Jaman globalisasi anu beuki maju,
nimbulkeun kamajuan budaya modern kana kahirupan bangsa, utamana kana kahirupan
urang Sunda. Informasi anu euweuh batesna, jadi sabab loba budaya luar negeri
anu kabawa kana kahirupan urang sunda. Boh tina cara hirup, kadaharan,
teknologi, jeung sajabana. Asupna budaya asing ieu, aya mangpaatna oge keur
urang sunda, contona tina widang elmu jeung teknologi. Tapi aya oge negatipna,
nyaeta urang sunda poho kana budayana sorangan, salah sahijina kana aksara
sunda.
Aksara
sunda mangrupa salah sahiji warisan budaya sunda anu kudu dipiara. Aksara sunda
anu baheula dipake ku karuhun keur nulis sejarah dina prasasti, jeung nunjukkeun
budaya anu jadi identitas urang sunda. Aksara sunda oge kaasup kana daptar
budaya anu kaancam leungit, kusabab euweuh perhatian tina urang sunda sorangan.
Urang sunda ayeuna leuwih resep kana budaya luar anu sipatna modern. Loba urang
sunda anu boga pamikiran yen aksara sunda mah kaasupna geus teu jaman. Ieu
mangrupakeun salah sahiji pamikiran anu salah.
Ayeuna,
kumaha carana pikeun ngalestarikeun aksara sunda? Salah sahiji cara anu bisa
dilakukeun nyaeta, nerapkeun pangajaran aksara sunda di sakola. Ieu bisa
ngawanohkeun aksara sunda kana generasi anu engkena bisa ngembangkeun aksara
sunda. Ngagunakeun aksara sunda dina jalan-jalan oge bisa ngawanohkeun aksara
sunda ka masarakat.
|
0 komentar:
Posting Komentar