Indonesia mangrupakeun
salah sahiji pasar otomotif nu gede di dunia. Geus waktuna Indonesia boga mobil
nasional nu bisa diandelkeun. Program mobil nasional ieu mangrupakeun salah
sahiji upaya pamarentah pikeun ngembangkeun industri mobil asli jieunan urang
Indonesia. Program ieu geus lila dikembangkeun. Lamun ningali sejarah katukang
program ieu geus pernah ngahasilkeun sababaraha merk mobil nasional diantarana Marlip, Maleo, Gea, Timor jeung
sajabana. Malahan mah aya nu sukses di pasaran. Loba pisan mobil nu geus
kacipta. Tapi mimiti taun 1998, program mobil nasional ieu rada mundur kusabab
ayana krisis moneter nyinghareupan masa reformasi.
Geus lila teu
kadenge perkembanganana, diawal taun 2012 ieu kaluar deui hiji produk mobil
nasional, Kiat Esemka, anu
mangrupakeun mobil nasional hasil karya siswa SMK di Solo. Mobil ieu mimiti
jadi obrolan saprak Walikota Solo, Bapak Joko Widodo, ngagunakeun mobil Esemka ieu jadi mobil dinesna sapopoe. Hal
ieu nunjukeun yen Walikota Solo teh ngadukung pisan kanu ayana mobil Esemka ieu. Tapi aya tanggapan lain oge.
Tanggapan lainna datang ti Gubernur Jawa Tengah nu teu lain nyaeta dunungan
Joko Widodo. Manehna ngannggap yen sikep Walikota Solo nu ngajadikeun mobil Esemka jadi mobil dinesna mangrupakeun
sikep anu sembrono lantaran ceuk
manehna mobil anu bisa dijadikeun mobil dines teh nyaeta mobil nu geus lulus
uji kelayakan. Sedengkeun mobil Esemka
can pernah ngalakukeun uji kelayakan.
Sanajan aya
omongan anu kitu, tapi malah makin loba anu mesen mobil Esemka, ayeuna geus nepi ka 5000 unit. Masyarakat oge menta ka pamarentah
sangkan mobil Esemka ieu gera-gera
dibere surat kelayakan jadi masyarakat bisa tenang makena. Hal ieu meunang
tanggepan ti pamarentah nyaete pamarentah bakal ngayakeun uji emisi di BPPT
minggu hareup ka kabeh unit mobil esemka.
Nyinghareupan
hal ieu, urang salaku masyarakat Indonesia kaasup aparat pamarentahan kudu ngadukung upaya pengembangan produksi
mobil nasional sangkan Indonesia bisa leuwih maju ti ayeuna. Salah sahijina,
nyaeta ngadukung mobil Esemka ieu,
contona siga nu dilakukeun ku Bapak Walikota Solo anu ngajadikeun mobil Esemka jadi mobil dines manehanna. Salian
ngadukung mobil nasional, oge bisa ngirit pangaluaran nagara lamun mobil ieu
dijadikeun mobil dines pamarentah lantaran hargana nu jauh beda jeung mobil
buatan luar, tapi kualitasna bisa bersaing jeung mobil luar. Pamarentah ulah
mempersulit pengembangan mobil Esemka
ieu. Pamarentah kudu ngadukung penuh. Ditingali ayeuna mah, masyarakat teh loba
nu ngadukung, tapi sabagian petinggi pamarentah masih aya oge nu teu ngadukung.
Ayeuna hayu urang dukung mobil Esemka
jadi mobil nasional nu bisa nganteurkeun nagara ieu ka masa nu leuwih maju
deui.
0 komentar:
Posting Komentar